華發網繁體版

支持蔡若蓮校長

支持蔡若蓮校長

香港回歸祖國20周年將至,候任特首林鄭月娥正式公佈新班子名單,但焦點反而落在教育局副局長身上,據傳媒報道,將由福建中學(小西灣)校長、前香港教育工作者聯會副主席蔡若蓮出任,此消息一出,教育界立法會議員葉建源立即跳出嚟指責,指如果該局副局長一職落喺一個在立法會選舉中得票只得三成嘅人手上,等於「摑選民一巴」,又話擔心蔡校長嘅政治取向會影響學生云云,一眾黃營政客亦不甘寂寞加入戰團齊齊聲討,更有教師發起網上聯署反對蔡校長出任教育局副局長,一時間殺氣騰騰,擺出一副置對方於死地嘅模樣,由此可見,反對派誓要將教育界話語權繼續操控在自己手上,將教育永遠泛政治化,不容異見者發聲,反映出香港教育制度之失敗!

為何反對派如此針對蔡校長?大家不妨睇睇蔡校長嘅背景就可知端倪,蔡校長曾出任與教協立場相反嘅教聯會副主席,任內支持國民教育,反對港獨,亦批評現任教育界立法會議員葉建源「喊口號就聲嘶力竭,講實幹就一事無成」,如此親中立場,自然招惹教育界一眾黄色分子不滿,蔡校長因為四大元素成為被針對對象:左校校長、支持國教、親中組織兼反港獨,有人話蔡校長獲邀出任教育局副局長旨在重推國教,故此必須將蔡校長鬥垮鬥臭鬥死,務求繼續令教育界成為黃色陣營基地!

香港回歸祖國20年,出現一個崎形現象,就係親中有罪,親英親美卻視為理所當然,一眾漢奸走狗賣國賊20年來不斷環遊世界貶低祖國,唱衰香港,抹黑一國兩制,但大部分香港人卻認為冇乜問題又唔會出聲譴責,反而中央就香港問題評論兩句就立即被人指責干預,破壞一國兩制,簡直就係顛倒是非,混淆黑白,說到底,就係人心尚未回歸,未徹底去殖民地化,而根源在於教育制度出現嚴重問題,君不見各大學學生會已被獨派把持,中小學亦開始被港獨思潮入侵,呢啲情況係教協多年洗腦及近年嘅教育界立法會議員將政治鬥爭帶入校園造成,加上中史被取消成為必修科,亦冇國民教育,國家觀念薄弱,莘莘學子長年累月被荼毒,以致出現黃之鋒、羅冠聰之流嘅漢奸,如今難得出現一位對香港教育有承擔、為教師爭取合理權益、旗幟鮮明拒絕教育政治化,讓教育回歸理性嘅校長獲邀加入政府,協助局長改革香港教育制度,係值得高興嘅事,畢竟在失敗嘅香港教育制度下,如果拒絕進行大手術改革,香港嘅未來只會一片灰暗!

教育界已經染黃,下一代大部分被洗腦,變成仇恨國家、盲目反對嘅一群,如果想香港好,下一代絕對不能再交託畀現時嘅一班政棍、教棍、學棍手上,蔡校長嘅出現,猶如為教育界撥亂反正帶出一絲希望,小弟支持蔡校長出任教育局副局長,為教育界出謀獻策,挽救下一代於水火之中!

嘉偉  24/6/2017

此文由華發網繁體版編輯,未經允許不得轉載: 華發網繁體版 » 反港獨 » 支持蔡若蓮校長

讃 (3)
分享至:

評論 0

暫無評論...
驗證碼
取 消
請選擇理由
取消
私信記錄 »

請填寫私信內容。
取消
載入中,請稍侯......
請填寫標題
取消