華發網繁體版

【尖沙咀】熔岩蛋漿飯!Oppa最邪惡美食襲港!

【尖沙咀】熔岩蛋漿飯!Oppa最邪惡美食襲港!

【尖沙咀】熔岩蛋漿飯!Oppa最邪惡美食襲港!

FB有絲打曰:「深夜出美食post是一種原罪啊!」,有罪惡嘅地方自然有我許sir,為咗查探下呢個飯有幾咁邪惡,第二日即刻單人匹馬去咗尖沙咀搵呢間新韓國食店試食!

【尖沙咀】熔岩蛋漿飯!Oppa最邪惡美食襲港!

就係呢間位於尖沙咀韓國街(金巴利街)的Oppa Coffee Bar Restaurant,原來係一對韓港情侶喺今個月21號先正式試業!成功征服韓男,為港爭光嘅老闆娘Sugar甜絲絲咁同許Sir講,與韓籍男友想在尖沙咀引入香港較少見的韓國美食,仲即刻推薦咗幾個菜式叫許Sir試試!

推介〔一〕:熔岩蛋漿飯

第一個推介嘅,當然就係呢個熔岩蛋漿飯啦!老老實實,同濟洲牛島的正宗蛋漿飯「漢拿山炒飯」(한라산볶음밥)嗰種大堆頭蛋漿的震撼感係有少少距離嘅,但賣相同樣吸引!此雞蛋溶岩炒飯共有五種配菜選擇,包括泡菜、海鮮、火腿、章魚同雞胸。

當Oppa侍應呈上溶岩炒飯,就會即刻將蛋漿淋係鐵板上面,再鋪上Mozzarella Cheese係上面然後反炒。炒一分鐘左右,芝士同蛋漿都同炒飯完全融合!許Sir我就高度推介大家食泡菜雞蛋溶岩炒飯,事關蛋漿同芝士既香味,再配上泡菜炒飯的微辣,絕對係perfect match,許Sir唔洗5分鐘就成盤食哂,差少少就食埋個鐵板!

【尖沙咀】熔岩蛋漿飯!Oppa最邪惡美食襲港!

【尖沙咀】熔岩蛋漿飯!Oppa最邪惡美食襲港!泡菜雞蛋溶岩炒飯 $138

其他飲食資訊:網上瘋傳!韓國蛋漿飯 & 海鮮九層塔大起底!

推介〔二〕:芝士排骨

仲有其他芝士系列,不論排骨、雞翼、雞腿、八爪角定雞腳,都緊要識得玩「拉芝(士)」,極之邪惡!許Sir就試咗芝士排骨(韓文讀音:痴書疼街便),排骨以多種韓式香料醃製,炆到腍身入味,配上芝士香,未來得及recap任何語言,就啪啪啪咗幾條排骨落肚!

【尖沙咀】熔岩蛋漿飯!Oppa最邪惡美食襲港!芝士排骨 $245

其他推介

入到韓國食店,點都要試下炸雞喇。呢度嘅炸雞最貼心的地方,係可以任選兩種口味,共有五種口味選擇,包括原味、辣味、醬油、卡邦尼同蒜香,即叫即炸,粉漿上得均勻,質感薄而脆,不易散碎,吃得出以新鮮靚油去炸,大家不妨放開懷抱用手食,食完都唔會成手油淋淋!

【尖沙咀】熔岩蛋漿飯!Oppa最邪惡美食襲港!原味、辣味炸雞 $188

好啦,介紹咗三款邪惡美食,為免太heavy都要介紹番d輕盈少少嘅,女店主就叫各位記住喺下午2點至6點的時間去飲杯咖啡,事關下午茶時間就會將餐廳遙身一變化身韓式cafe,除咗有11款精選Coffee之外,最重要喺不久將來會推出韓式甜品!

【尖沙咀】熔岩蛋漿飯!Oppa最邪惡美食襲港!Caramel Latte $34

下午茶必試

雖然未有甜品食,但許Sir都試食咗呢個韓式三文治,以草莓醬搭配充滿什菜的煎蛋餅與火腿,鹹鹹甜甜的配搭,有趣之餘感覺清新!

【尖沙咀】熔岩蛋漿飯!Oppa最邪惡美食襲港!韓式三文治 $88

門面座位

店面不算大,約坐40人左右,相信許Sir今次介紹完,又會引起一陣排隊熱潮,不過唔緊要,事關店舖由二月開始,由早上10點開到凌晨4點,記住凌晨排隊唔好嘈住街坊呀!

【尖沙咀】熔岩蛋漿飯!Oppa最邪惡美食襲港!

Oppa Coffee Bar Restaurant

地址:尖沙咀金巴利街1號F

營業時間:10am – 4mn(正式營業時間由二月開始,二月前會時間營業至12mn)

此文由華發網繁體版編輯,未經允許不得轉載: 華發網繁體版 » 美食 » 【尖沙咀】熔岩蛋漿飯!Oppa最邪惡美食襲港!

讃 (0)
分享至:

評論 0

暫無評論...
驗證碼
取 消
请选择理由
取消
私信记录 »

请填写私信内容。
取消
加载中,请稍侯......
请填写标题
取消